أخبارناالحملاتالممارسات الضارة بالفتيات

حملة جسمها مش ملكك

حملة جسمها مش ملكك

حملة الـ ١٦ يوم لمواجهة العنف ضد النسـاء هي حملة دولية لمناهضة العنـف القائم على النوع الاجتماعي.. كل سنة بتبدأ أنشطة الحملة من ٢٥ نوفمبر إلى ١٠ ديسمبر، وشعارها “لوّن العالم برتقاليًا: فلنُنه العنف ضد المرأة الآن!”
بالتعاون مع(Speak Up اتكلم/ي) قررنا خلال ال١٦ يوم نبدأ حملة #جسمها_مش_ملكك للتوعية عن جريمة ختان الإناث؛ لأنه واحد من أسوء أنواع العنف اللي بيتمارس ضد البنات والسيدات واللي بيتم خلاله قطع جزء -صغير أو كبير- من جسم البنت بدون وجه حق وبدون إحترام لآدميتها وحريتها، والأسوأ أنه بيتم بناءاً على رغبة الناس اللي مفروض يحموها -أهلها-.
وللأسف الشديد، وبالرغم من وجود قوانين لتجريم هذه الممارسة، مصر لسه من أعلى الدول عالميًا في معدلات ختان الإناث.
التغيير ونشر الوعي مسؤولية كل فرد في المجتمع.
شاركونا عشان نقدر نعمل تغيير فعلي ونقدر ننقذ بنات قبل ما تتعرض للجريمة دي، ونساعد كل واحدة اتعرضتلها بالفعل أنها تتخطاه.
ختان الإناث عادة أفريقية قديمة وجريمة ومش مفروض بأي شكل يكون لسه موجود في ٢٠٢١!
زر الذهاب إلى الأعلى